انا وانتى الحياه

انا وانتى الحياه بعينها من غير ماتكونى فى حياتى مش متخيل انى هيكون فى حاجه اسمها حياه فى حياتى لأنى انتى الى بتديها الوجود الى بعيشه بحس بينى وبينك بدفء الشتا الجميل الى بيخلي قلبى سعيد وجوايه بركان من المشاعر الى مستعد يدفى العالم ده كله ويفيض على كل عشاق الدنيا ببحر من المشاعر ومعاكى ومن غير كلام بحس بينى وبينك بأضرابات ورياح عنيفه بتهزنى اوى و بتبعدنى وبتخلينى انحنى واضعف زى الشجره العاليه الى هوى الخريف بيطوحها وساعات بحس بينى وبينك بعطر ونسيم الربيع الى بيلون كل حاجه حوالينا بألوان الفرحه والسعاده فرحه قلبى بيكى وانتى ادام عينيه حتى من غير مكلمك او تكلمينى وساعات كتير اوى بتكونى غريبه عنى ووحشانى جدا وانتى ادام عينى بس مش عارف بالقى الف حاجز وحاجز بينى وبينك مش عارف انتى الى حططيهم ولا انا ولا الايام .

كنت نايم بحلم انى بفكر فيكى فجأه سيطرت على نفسى وعلى مدركاتى وقمت من النوم واعدت افكر فيكى مش عارف ليه انا قمت من النوم مع انى الحلم بيكون اجمل لانك بتكونى موجوده فيه وكمان بكون اجرأ غير لما بكون صاحى
اعدت افكر فيكى وافكر ازاى يا حبيبتى واد ايه انتى غيرتينى انتى منحتينى حاجات كتير اوى اعدت افكر واقول معقول كل ده معقوله هو ده الى صاحانى كل ده انتى ادتهونى وانا مش عارف
انا طول عمرى بعتبر نفسى طماع فى الحب لدرجه الامتلاك لكن معقوله انا حسيت بكل الى منحتهونى انتى منحتينى معنى لحياتى والامل لبكره وانهارده والايمان اد ايه انتى خلتينى كل يوم استنى الصلاه عشان الدعاء عشان خاطرك انتى اعدت افكر لقيتك ببساطه ادتينى الحياه الى مكنتش حاسس بمعنى ليها
قبلك كنت عامل زى واحد واخد دور فى روايه كبيره بيطلع على المسرح يأديه ومش عارف بقيت الروايه بتتكلم عن ايه ومش عارف دوره ده مهم ولا لأ ممكن يستغنوا عنه ولا لأ
انا بصيت لنفسى وقلتلها طيب انتى ادتيها ايه اديتك دموع وندم وحيره وصمت رهيب اعدت افكر حسيت اد ايه انا صغير اوى وانا جنبك لقيت نفسى ببعد بعيد عنك وعن كل حاجه حلوه انتى ادتهانى عمال ببعد عن كل حلم حلمته معاكى او حتى حلمته ليه وليكى وانا واقف بعيد مش هاممنى الاحلام بتتسرق منى وانا واقف بتفرج عليها حلم ورا حلم بيقعوا زى ورق الشجر فى الخريف بس الخريف ده طول اوى وبرده عمر ورق الشجره طول اوى انا مش عارف امتى الخريف ده ينتهى هو ممكن يخلص ويجى ربيع جديد انا بحلم بيه ومستنيه ويا ترى هلاقيكى فيه ولا

الغريب

سبتينى وبقيت عامل زى الغريب او بقيت غريب غريب وانا مع اصحابى غريب وانا فى بيتى غريب وانا مع نفسى مش حاسس بطعم لحاجه ولا معنى لاى حاجه اعمللك ايه ما انتى كنتى كل حاجه كنتى بدايتى وكنتى نهايتى بعدك بقيت ادور فى كل وش اشوفه على بقايا ملامح لوشك بقيت ادور فى كلامى على معنى كان لكلامى معاكى بقيت ابص لكل واحده بدورعلى نظره من عنيها تفكرنى بعنيكى بدور على ضحكه من شفايفها تفكرنى بضحكى معاكى بس مش لاقى مش عارف انا الغريب ولا هم

غزل

بعدك حبيبتى لو جابولى عمرين على عمرى عشان اوصف يوم من عمرى معاكى ميكفنيش
بعدك حبيبتى لو اعدت الف ليله وليله احكى عن ليله حلمت بيها وياكى متساويش

خايف قرب جاى علينا سامعه من بعيد جاى يكسر احلى مالينا وأعيش بعديه وحيد هو اليوم الى احنا حبيبى معملناش حسابه اول عينى متيجى فى عينه بارجع بالزمان وافتكر الكلمه الى ملتنا بالشوق والحنان وارجع تصعب نفسى علي قلبى يزيد عزابه اه حلمنا بكل حاجه الا ده محلمنا بيه عمرنا ما فى مره قولنا انى شوقنا تروح عليه والحلم الى بدايته بحبك تبقى نهايته وداع قلنا هتفضل طول ايامنا حاسنا العاشقين كان حلمى انى اموت وانا جنبك بعد سنين جايين بس الحلم فى لحظه اتغير ولا بينه ضاااااع اه سامع قلبى بيطلب منك تبقى قصاد عينيه يالى انا عمرى مبشبع منك بس هان عليه والله وداعه جه على بابنا حبيبى ينادينا عود نفسك وانا هتعود واياك تنسى يوم خليك فاكر انى انا فاكرك دايما كل يوم خد بالك منك ده نصيبنا فراق مكتوب علينا


اغنيه عاجبانى

فى عينيكى كلام

مش عارف كل ما اشوفك وابص فى عينيكى اسرح والاقى نفسى دخلت مع عينيكى فى حوار عماله تكلم عينيكى وعينيكى تكلمهاساعات عينيكى تلومنى اننا ليه مش لبعض وازاى انا وقفت عاجز وانتى بضيعى منى وساعات بتواسينى بأرق معانى كلمات الحب وتقوليلى اوعى تحزن احنا لبعض وساعات ابص لعينيكى وافرح لما الاقى فرحه الدنيا فيها وساعات ابصلها واحزن لما الاقى حزن الدنيا ماليها وسواد عينيكى بقى لون سوادها وساعات اكتر باتوه وادور على نفسى ملقهاش الاجوه عينيكى وساعتها بحس بشعور مبحسهوش عمرى الا معاكى

انتقام

هو انا عشان سيبتك تضيعى مره من ادام عينيه تخلينى اضيع فى اليوم الف مره هو ده الحب ولا ولا ده انتقام ما انا يا ما قولتلك مليون كلمه بحبك من غير كلام من نظره عينى من لهفتى فى رؤياكى من خوفى عليكى من من .......
ااقولك ايه ولا ايه وااقولك ليه ما انتى اكتر واحده كنتى حاسه وعارفه طب ليه بتعملى كده دلوقت ولا انتى مبسوطه وانتى شايفانى بضيع. بس والله مكنتش اقصد انك تضيعى من اديه بس انتى دلوقتى قاصده انى اضيع منك المهم انا مش زعلان...
ان كنت غلطت مره من غير قصد انتى بتغلطى كل يوم وانتى قاصده ..

حلم جوه حلم

تعرفى امبارح يا حبيبتى كنت نايم بحلم حلمت وانا نايم انى بحلم بيكى يعنى حلم جوه حلم حلمت انى اعد بتكلم معاكى من غير خوف من غير منراقب حد ولا حد يراقبنا من غير منخاف من نهايه الكلام زى كل مره زعل وديق وحزن اعدين بنتكلم وانا فى اسعد اوقات حياتى بتكلم معاكى وانتى اعده بتفتحيلى قلبك وبتصارحينى اد ايه حبك ليه اد ايه انا كنت متخيل انتى بتحبينى اد ايه بس عمرى متصورت انك بتحبينى كل الحب ده ولقيت التليفون بيصحينى قمت من النوم جوه الحلم برده لقيت نفسى كنت بحلم زعلت اوى اوى انى كنت بحلم شفت نفسى جوه الحلم انى مخنوق ومدايق بس فى النهايه كنت مبسوط انى حلمت بيكى واعدنا مع بعض واتصارحنا شفتى انا اد ايه قنوع حتى وانا فى الحلم انا نفسى يكون كل ده حلم واصحى من النوم .....

سؤال

جت واحده صاحبتى بتقولى انت بتحب الحياه لقتنى من غير تفكير قلتلها طبعا بحب الحياه مش عارف انا قلت كده ليه مش عارف كمان انا اتسرعت ولا ايه المهم وانا بفكر لقتها بتقولى طيب بتحب الحياه ليه المهم انا رديت رد طبيعى جدا قلتلها انا بحب الحياه عشان بتفرحنى اكتشفت انى انا مبحبش الحياه لا انا بحب بعض الوقت فى الحياه الوقت الى بكون فيه فرحان فيبقى السؤال انت امتى بتكون فرحان قلتلها بكون فرحان لما بعد على القهوه مع اصحابى واشرب القهوه بتاعتى واشم ريحه الشيشه التفاح.. بكون فرحان لما بشوفها حتى لو هى مشفتنيش.. بكون فرحان وانا بقرأ كتاب عاجبنى.. بكون فرحان لما بعد لوحدى اتأمل الناس بتعمل ايه فى حياتها من غير محد يلاحظ انك مراقبه بكون فرحان وانا واقف على النيل الساعه 6 صباحا واشم ريحه الهوا الساقع.. عشان كده انا بحب الحياه ..

انا جييت متأخر

انا عمرى محلمت بحاجه او اتمنيت حاجه ده مش فشل ولا عدم طموح لا والله دى قناعه منى بالنصيب بس تقريبا طلعت قناعه زياده عن الازم ده تفسيرى انا لكن فى ناس تانيه فسرتها غير كده فسرتها انها سلبيه ممكن كل واحد حر فى رأيه.
انا كان على كتفى حمل كبير جدا انا قدرته بجبل وغيرى قدره بالسعاده وحلاوه الدنيا بس انا كنت بحلم انى اغمض عينى وافتحها ملقيش جبل الهم ده او السعاده مش فارقه معايا والله المهم عندى انى ملقهوش ولما كنت بنام واصحى وامشى واعد واتكلم واسكت الا لما الاقى نفسى بفكر فيها.... لقتها بضيع منى واحده واحده ولسان حالها بيقول يا تلحقنى يا متلحقنيش من غير متتكلم بس انا كنت حاسس بس مش عارف اعمل ايه لانى زى مقلتلكم انا كان على كتفى جبل او على رقبتى طوق عمال يخنقنى يوم ورا التانى ولما جاتلى الصحوه او الانتفاضه تقريبا جت متأخره
ولما جريت ااقلها لقتها بتقولى انا جيت متأخر ليه انا جيت متأخر ده لانه نصيب ولا ................